Në gjurmët e një romani të pabotuar
Në gjurmët e një romani të pabotuar Përjetësisht… Pjesa e katërt Një vend të veçantë në jetën e Arbërit të atyre viteve burgu zuri figura e Xhavitit, mitralierit trim të forcave nacionaliste në krahinën e tij. Ai u bë si një vëlla i dytë për të. E donte aq shumë sa ishte i gatshëm të sakrifikonte çdo gjë për ta ndihmuar. Hanin bukë bashkë dhe kishin shtretërit ngjitur Kishte shpirt dhe zemër të madhe. Tregonin se në betejën që zhvillonte çeta nacionaliste me fashistët, ai qëllonte flamurin italian që valvitej përballë tij. Kur shokët e pyesnin përse nuk qëllonte mbi ushtarët por mbi flamurin, ai përgjigjej Dua të thyej krenarinë e tyre. Vazhdonte të qëllonte deri sa flamuri u rrëzua dhe bashkë me të u thyen edhe italianët. Pas lufte nuk u dorëzua, por qëndroi për më shumë se një vit në male duke luftuar për lirinë e dhunuar. E tradhtoi